香港汽車文化聚會 - HONG KONG MIDNIGHT CAR MEET

-香港就係需要有汽車文化交流聚會!
先唔講果D係條街度亂咁黎又逆線仲拍埋片擺上網既一少撮人,其實係香港有好多車主,都花左好多心機同時間落自己架車度,為既就只係想整靚D架愛驅,然後出席車聚同其他車主交流心得! 並非坊間所描述既準備進行非法賽車活動。

我地每次出席車聚都係遵守合法車速,循規蹈矩咁去玩。但當聽到話邊度邊度set左Road Block等緊你地出黎就好似見鬼咁,點解揸自己部愛驅出街好似做賊咁其實為乜? 跟住好自然就會有人走出黎同你講,如果你架車係原裝既你洗乜驚? 我只能講: 你真係天真過天真嬌。阿Sir一句懷疑你非法改裝,理得你係咪全原裝,已經可以收你皮,等收驗車信或即時勾車!

當過時既法例及公眾對車聚文化既誤解,導致有時候只係幾架同款車泊埋一齊影相,吹下車經都被標籤成非法賽車,係咪代表香港已經無空間容納汽車文化活動?

相關項目