大帽山頂

相信各位對於大帽山呢個名都唔會陌生,遊車河勝地又點可以唔介紹呢。

可以從錦田或荃灣進入荃錦公路上山,到達大帽山郊野公園後沿大帽山道( 地上正中有一條白線 )繼續向山頂進發,沿途設有避車處。因大帽山道有時會被濃霧包圍,視線範圍只有數米,因此駕駛時要份外留神。到達盡頭有一個小型公眾停車場,往後一段皆為限制道路,長期有保安把守。

天氣好的時候,可以步行到山坡上,眺望青衣、深圳、元朗平原等等,視野非常開揚,入夜後觀星談情一流。要注意假日通常會吸引大量行山人仕及駕駛人仕前來,會較難搵位泊車,自問技術麻麻及新手盡量少於假日前來。